Invitacion pa Concierto Dominical “Donny Laclé” Diadomingo dia 29 di januari cu musiconan di tur edad y musica varia ta tuma lugar den Café Musical na Biblioteca Nacional

E biaha aki atrobe e comision organisador a logra hinca un programa atractivo y varia den otro cu sigur lo ta na agrado di un y tur.

Nos prome artistanan ta Studiantenan di IPA; Derde Jaar, bou guia di Mayra Kock-Garrido, lo presenta cantando y tocando cuarta.

 

Melixa Werleman, alumna di canto di Mayra Kock-Garrido, lo canta dos cantica. Uno compaña pa Mayra riba piano y e otro compaña pa Edwin Kock riba guitarra.

Despues  lo sigui cu presentacion di e siguiente studiantenan di Scol di Musica Rufo Wever.

 

Carienne de Cuba lo toca piano, y tambe Ivan Ponson, Justin Peña y Louis van Delden lo forma un duo, di guitara acustico y cuarta. Jean Claude Richardson y su maestro Serghio Jansen lo toca guitara electrico den duo.

Finalmente nos lo disfruta di musica di Tropical Vibes, bou direccion di Ronny Laclé. Tropical Vibes ta un steelband, compaña pa Ricky Figaroa riba baho, cu ademas di música di Carnaval ta toca música crioyo tambe.

Asina ta, no lubida di bin cu bo zapato pa balia.

Tur hende ta keda cordialmente invita pa pasa un rato agradabel y gosa di e presentacionnan.

 

Entrada ta gratis y e concierto ta cuminsa pa exactamente 11.00 or di mainta y lo termina 01.00 or di merdia.

Durante e concierto lo pasa rond cu un caha di glas unda por deposita un donacion cu ta destina pa yuda nos hobennan artistico cu un yudansa financiero pa nan estudio

Bin na tempo, pasobra lugar ta limita. Tur hende ta bon-bini!

 

Top