Jeroen Recourt y Roelof van Laar no ta bolbe den Tweede Kamer

DEB HAAG – Dos miembro di Tweede Kamer, esta Jeroen Recourt y Roelof van Laar, ambos di partido PvdA, lo no bolbe mas den Parlamento. Esaki debi cu PvdA no a saca suficiente asiento, cu e dos Parlamentarionan aki por forma parti di fraccion di PvdA den Tweede Kamer.

 

Jeroen Recourt, prome di a bira politico na Hulanda, tabata Huez na Aruba y conoce nos isla bon. Esey ta motibo tambe, cu e tabata Presidente di Comision di Relacion di Reino pa Tweede Kamer hunto cu Roelof van Laar. Ambos personahe tabatin masha bon relacion cu miembronan di Parlamento di Aruba.

 

Presidente di Tweede Kamer, Khadija Arib den su discurso di despedida tabatin masha elogio pa Jeroen Recourt, sigur pa su conocemento huridico. E tabata 6 aña miembro di Tweede Kamer.

 

Roelof van Laar a ser aprecia pa sun envolvimento den lucha contra di abuso di trabao pa mucha y prostitucion di mucha.

Manera menciona e dos Parlamentarionan aki no ta bolbe den Tweede Kamer.

Top