Joselin Croes kier sa kico hobennan kier p’e futuro di turismo di Aruba

Den un entrevista cu Joselin Croes di POR e ta conta cu recientemente el a tene un Focus Group riba Turismo, Enseñansa y Medio Ambiente cu un par di studiante di Universidad di Aruba y cu esaki t’e puntonan di prioridad pa cu e topico di turismo.

 

Pa cu turismo esaki ta nan puntonan di mas importante: Subi calidad di turismo y no cantidad.

Pa cu turismo nan kier pa bin cu mihor calidad di turista y menos cantidad, dus purba trece turistanan cu ta gasta mas na Aruba.

Nan kier pa enbes di sigui crece den kamber na Palm Beach y Eagle Beach pa bin cu un moratorium pa cu construccion di mas kamber di hotel y condominio. Nan ta kere den Boutique Hotels chikito di 5 strea cu por sirbi turistanan  cu ta willing pa gasta na Aruba, pero cu kier nan privacidad.

 

Mester traha mas duro riba subi e calidad di e servicio cu ta ser duna den sector turistico. Nan ta hay cu local tabata haci Aruba atractivo p’e turista bin Aruba cu t’e calor di e servicio y e amabilidad di nos hendenan a bay hopi atras pesey nan ta di opinion cu mester traha mas duro riba e calidad di servicio den sector turismo.

Mester bin cu otro tipo di turismo na Aruba. Nan ta di opinion cu mester bin cu otro tipo di turismo na Aruba, por ehempel eco-turismo of medical tourism of the F & B experience.

 

Mester bin cu un desaroyo turistico pa San Nicolas. Nan lo kier mira un crecemento turistico na San Nicolas den un forma di “Eco-Turismo” of “Biomarine Tourism”. Nan lo desea pa mira un crecemento economico na San Nicolas pa yuda e pueblo di San Nicolas crece economicamente cual lo yuda cu e problemanan social na San Nicolas.

 

Joselin Croes y su plataforma E forsa Nobo-POR a priminti di traha BOTTUM-UP. Joselin desde cu el a tuma e decision di drenta politica y sirbi su pueblo e ta sintando semanalmente cu docentenan di scol, comerciante, trahador, studiantenan y bishitando cas pa scucha kico ta importante pa cada persona y kico ta ne preocupacionanan cu ta reina y kico nan kier mira den e plan di gobernacion di e Forsa Nobo POR.

 

Joselin Croes ta sumamente contento cu e Focus Group aki en particular, paso ta trata di hobennan inteligente y cu pasion pa loke ta pasa cu nan pais cu tanto nan tambe ta stima.

Nan puntonan ta valido y importante cu mester di por bin den tur plan di gobernacion di tur partido paso esakinan ta nos hobennan cu mañan lo bay sirbi Aruba y guia Aruba den futuro.

 

Otro siman lo bolbe tene un Focus Group cu e grupo di studiante di Universidad y lo papia over di e topiconan Economia, Finansa, Salubridad y Bon Gobernacion.  Keda pendiente pa loke hobennan kier pa pais Aruba.

 

 

Leave a Reply

Top