Kico ta bo storia? Aruba Certification Program ta analisa e importancia di conta bo storia

Diasabra ultimo, dia 14 di october, e team di Aruba Certification Program (ACP) a inicia  un sesion di investigacion cortico pa analisa e tema di conta storia.

Por menciona cu ‘storytelling’ ta un aspecto di gran importancia ora ta trata di e futuro di turismo.

Esaki basa riba informacion corecto y consistente.

Conta un storia personal of di un pais, manera Aruba, ta importante pa motibo cu netamente e storia unico y autentico ta locual ta distingui Aruba di e otro Islanan den e region.

E bishitante awendia kier sa kico t’e diferencia entre Aruba y por ehempel. Bahamas.

E bishitante no ta busca solamente un experiencia autentico, pero e ta busca tambe un conexion mas personal. Un conexion positivo y honesto.

P’e motibo aki e team di ACP a bishita sra. Rosemarie Martha y sr. Ronald Martha pa conoce nan storia relaciona cu preparacion di sopi di cadushi mas di cerca.

 

Sopi di cadushi ta un plato fuertemente conecta cu e herencia den region Caribense.

Sra Martha ta splica cu tin un diferencia den con ta prepara e sopi na Aruba compara cu na Corsou.

Sra. Martha a splica tambe cu sopi di cadushi ta sumamente saludabel y bon pa hende cu tin falta di hero.

Dependiendo di e recurso di un persona, por agrega cuminda di lama y carnisa n’e sopi, of simplemente sardin di bleki y te asta e cadushi so.

E team di ACP a keda sumamente impresiona pa mira e cononcemente di e dos personanan aki ora ta trata di nos herencia.

 

Ta importante pa remarca cu practicamente cada persona na Aruba ta depende directamente of indirectamente di e sector turistico.

Apesar cu por tin reto relaciona cu sostenibilidad, por remarca cu e sector aki tambe ta moviendo den direccion di un turismo balansa y cu respet pa medio ambiente y e herencia di e pais.

Pa es motibo, organisacionnan of companian interesa den duna tanto informacion corecto y consistente di Aruba como tambe servicio excelente, por acudi na ACP.

 

Un danki grandi ta bay na sra. y sr. Martha cu a habri porta di nan cas p’e team di ACP.

Pa esnan cu ta interesa den e siguiente tanda di ACP pa aña 2018, por yama libremente na 280-2924 of bishita www.acp.com  y Facebook: Aruba Certification Program

Top