Kico ta un Veiligheidshuis? Veiligheidshuis ta concepto di Hulanda y ta un relacion di cooperacion entre partnernan den e cadena hudicial y e cadena di cuido, manera FMAA

Veiligheidshuis ta un concepto cu a bin for di Hulanda y ta un relacion di cooperacion entre partnernan den e cadena hudicial y e cadena di cuido, manera FMAA, y otro partnernan, manera departamento di Enseñanza y FCCA pa loke ta vivienda.

Segun PG mr. Alexander van Dam den su discurso, tur e partnernan aki ta traha hunto na un acercamiento integral di inseguridad y ta dirigi nan mes riba criminalnan hoben, personanan cu ta bin hopi den contacto cu Husticia, ex-detenido y personanan cu ta causa molester.

 

E Veiligheidshuis ta na prome instancia un manera di traha. Un tipo di maneho. Pero e ta literalmente tambe un cas: Tur trahador ta localiza den un solo edificio na Ministerio Publico. No solamente Fiscal y Polis ta ocupa nan mes cu un sospechoso hoben, sino tambe Jeugdzorg, Kinderbescherming y Reclassering.

 

RIBA KICO VEILIGHEIDSHUIS TA TRAHA?

Veiligheidshuis ta traha vooral riba preveni recidive y exclusion social. Esey ta conta pa hende cu a kibra Ley, p.e. di violencia domestico, pero e ta conta tambe pa individuo of gruponan cu ta core riesgo.

Veiligheidshuis tin como prioridad, hobennan cu ta na riesgo, personanan cu ta bin frecuentemente den contacto cu Husticia, hendenan cu problema mental y asistencia na ex-detenidonan.

 

Pa motibo cu nan di Ministerio Publico tin hopi biaha di haber cu sospechosonan cu problemanan psiquiatrico, mr. Alexander van Dam a declara di ta contento cu un di e oradornan di ayera ta dokter Van Gaalen, psiquiater.

Dr. van Gaalen y dr. De Jong ta responsable p’e binimento hunto den e area di cuido psiquiatrico bao di e nomber nobo Fundacion Salud Mental Aruba (FSMA).

 

Ministerio Publico lo bay hunga un rol prominente como Presidente den realizacion y completacion di e Veiligheidshuis of Plataforma di Seguridad. E nucleo di e Plataforma lo ta un trahador di Ministerio Publico, y pesey cu e lo ta localiza den nan edificio nobo. Pero e ta enfatiza cu e Plataforma ta un responsabilidad di nos tur.

 

Mr. Van Dam a conclui cu palabranan di gradicimento. E kier gradici Minister Dowers, kende a haci e edificio fantastico aki posible. E ta dirigi su mes na Jan Boogaard y Miguel Boogaard, cu kendenan nan a traha masha bon mes.

Y finalmente PR a gradici Renato Loefstop y Tica Boekhoudt y Jean-Pierre Winterdaal pa tur e trabao, tambe den weekend y anochi, cu boso a dedica na nos mudamento. Danki ademas na Ben King pa su ideanan.

PG van Dam ta spera cu deseo riba un bon cooperacion di tur pa haci comunidad di Aruba mas sigur.

Leave a Reply

Top