Kiebra y ladronisia na Digicel Tanki Leendert ta un “in-side job”

Ora cu e trahadornan na Digicel Tanki Leendert a yega trabao dialuna mainta nan no por a kere loke nan a mira. Un pacus kibra y tur reboltea. A bati alarma na Polis y Polis unabes n’e sitio, tabata testigo di e kiebro y ladronisia.

Pero tambe no por kita for di e impresion, cu aki ta un “in-side-job” a tuma lugar, si tuma na consideracion cu e alarma cu tin, no a funciona. Pakico?

 

E ladron(nan) a baha via dak, dor di corta esaki, kibra plafond pa baha precies, unda nan tin cu baha. Cu un pat’i cabra kibra cierto parti pa yega caminda e placa di benta tabata warda den e negoshi.

Dirigentenan di e negoshi ta bisa cu e caha di placa tabatin mas o menos 30 mil florin cash. E ladronnan a bay tambe cu e celularnan di ultimo modelo, indicando nan sa kico nan tabata haciendo.

Asina nan a bay cu masha hopi Samsung S8, cu manera menciona t’e ultimo modelo.

 

Recherche y Cuerpo Tecnico di Polis a presenta n’e sitio di delito pa haci nan investigacion.

Manera ta nos indicacion, claramente e indicacion ta cu e ladron sa bon bon kico tabatin den e pacus y kico pa haci pa bay cu lo maximo.

Pesey nos ta keda bisa, cu aki ta un “in-side-job”, y pesey e autoridadnan di husticia tin masha atencion p’e caso aki y ta spera cu pronto por cuminsa na bay over na detencion.

Leave a Reply

Top