Kiebro y ladronicia den dos kiosko den havenstraat

Dialuna den oranan di marduga, presencia di polis ta wordo pidi na dos kiosko den Havenstraat pa motibo di kiebro y ladronicia

Na yegada, polis a nota cu e dos kioskonan cu ta keda pazuid di e parkinglot di Kong Hing, a ricibi bishita di ladron.

Aparentemente lo ta trata di adictonan ambulante kendenan lo a kibra y drenta horta den e kiosko di Lotto, Nancy Lottery, y tambe den e Kiosko cu ta bende souveniers, Gift to go.

 

Polis a topa cu e fannan di e lugarnan benta patras di e kioskonan.

Polis a purba haya contacto cu e doñonan di e kioskonan pero no tabata posibel pa yega den contacto cu nan, y a dicidi di cera e kioskonan mas mihor cu ta posibel.

Den oranan di mainta, na momento cu e doñonan yega, nan mes lo nota cu nan tabata victima di kiebro y ladronicia.

E doñonan  lo por haci un denuncia y entrega un lista di tur loke a wordo horta.

Leave a Reply

Top