Kiko ta Marihuana Sintetico mihor conoci como Spice?

“E ta trosa. Perde control di su manera di papia y ta keda wak sin ta observa nada specifico.

Su wowonan ta bay aden y su iris ta bira hopi grandi. E ta trosa atrobe. E no tin tino di loke ta pasando rond di dje.” Ta declaracion di un mama cu a mira e consecuencianan di e consumo di e droga sintetico conoci como “Spice”, cu ta mas tanto un marihuana sintetico.

 

Su yiu a consumi un poco di ‘Spice’, e droga sintetico cu ta afecta e sistema nervioso y ta haci cu e ta perde tino, yegando na actua di un manera hopi innatural, cu ta hasi cu hopi biaha esnan cu ta wak’e asina ta pensa cu e parse un zombi.

Esey ta e comportacion di un consumidor cu a wordo graba riba caya, ora cu e tabata experimenta e efectonan di e droga aki, cu su dañonan den e ser humano por ta mortal.

 

Pakiko e consumidornan di ‘Spice” ta actua manera zombi? Ki tipo di sustancia e ta? E ta corecto pa bisa cu e ta un tipo di marihuana?

Aki e contestanan:

Pakiko e consumidornan ta actua manera zombi?

Ora cu e dosis dentra den e organismo humano, e consumidor ta bay den un estado di desconeccion di e realidad, halucinacion y psicosis, di akinan e comportacion parecido na esun di un zombi.

Reportahenan audiovisual di e efectonan ta mustra consumidornan ta trosa y propinando zonidonan hopi straño.

Segun e portal di internet di e Centro di Adiccion di Barcelona, Spaña, Spice -cu tambe ta haya e nomber di K2- ta 10 biaha mas fuerte cu marihuana y mas potente cu cocaina.

 

K2 lo por ocasiona morto?

Si, e overdosis di Spice por causa morto su consumo diario ta daña cerebro, lo cual ta ocasiona cu e adictonan ta sufrir convulsion. Segun e cantidad di consumo, ‘Spice’ lo por produci un aumento den e ritmo cardiaco, convulsion y daño general den cerebro.

 

Segun datonan otorga pa e agencia antidroga di Whitehouse Mericano, como 30 persona a muri na Merca na 2011 pa overdosisi di e asina yama ‘marihuana sintetico’.

E impacto di e droga aki ta asina grandi cu na juni 2016 e corant The New York Times a informa cu na New York, mas o menos 33 persona a wordo hiba hospitalnan local di emergencia riba e mesun dia pa presenta alteracionnan grave ocasiona presuntamente pa overdosis di K2.

Segun e corant, un di e testigonan a bisa dia presencia e reaccion di e consumidornan y cu e tabata “manera si bo ta den un pelicula di zombi”.

 

Maske cu su efectonan devastador ta bon conoci, e droga aki a bira hopi popular na Merca, caminda cu na 2015 so e centrona di intoxicacion a ricibi 5.700 yamada di urgencia den cual tabata solicita informacion di con pa trata overdosis di Spice, segun un raportahe publica pa e agencia di noticia EFE.

 

Spice ta un tipo di marihuana?

No. Spice nisikiera ta un mata, e ta un compuesto sintetico cu ta busca imita e droganan existente dor di sustancianan kimica. Incluso, su comercialisacion inicial tabata bou di criterianan di productonan aromatico of potpurri.

Maske cu e no ta un producto cu ta bin di un mata, K2 tin e mesun capacidad -y hasta mas- di crea adiccion.

E droga aki a wordo prohibi na Merca, pero e producto a keda extendi pa Latino America, Caribe y Europa.

 

Top