Koningin Wilhelmina Fonds cu charla encuanto Cancer di Matris y Cancer di Prostaat

Koningin Wilhelminafonds Aruba ta organisando e prome charla pa e aña aki cual lo trata e topico di cancer di matris y cancer di prostaat. E charla lo tuma luga dia 25 di maart den Ballroom di Alhambra. Oradornan lo ta dr. La Tour y dr. Leong.

KWF Aruba ta extende e invitacion aki na un publico general. E charla ta cuminsa pa 9’or di mainta y lo termina pa 12’or di merdia. E charla lo bay ta na Papiamento y e entrada ta completamente gratis.

Durante transcurso di añanan por tuma nota cu e cantidad di pashentnan cu cancer ta keda aumenta y esaki ta notabel dor di e peticionnan cu ta keda drenta na KWF Aruba pa informacion y pa cuido na cas. Hopi biaha hendenan tin miedo di tratamento y no ta durf sigui mas cu tratamento unabes nan wordo diagnostica cu cancer y ora nan dicidi busca ayudo toch, ya e cancer ta den un estado avansa. Consecuencianan ta fastioso y p’esey awor aki atrobe ta pone enfasis rib’e parti di cuido y prevencion.

 

Tur cu ta interesa por yama na 5820412 pa inscribi, asina por haya un idea di cuanto persona lo por conta riba dj’e e mainta ey. No lubida, diasabra 25 di maart ta spera cada persona, paso preveni ta miho cu lamenta.

Top