Konshens y Morgan Heritage anuncia como prome artistanan di Flip Flop Festival 2017

E di 7 edicion di Flip Flop Festival ta priminti di bay ta di un di e festivalnan mas exitoso pa aña 2017.

Esaki despues cu a anuncia e prome artistanan, esta Konhens y e banda Morgan Heritage for di Jamaica.

Tur cos lo tuma lugar durante e fin di siman di maart 31, april 1 y 2 2017.

N’e momentonan aki tin riba mercado e carchinan “Super Early Bird” na balor di solamente 25 florin.

E carchinan ta obtenibel na Citgo Palm Beach, Citgo Boulevard, Citgo Santa Cruz y Citgo Essoville. Ora e carchinan aki caba e prijs lo subi.

Otro siman lo sali na benta tambe e carchinan pa seccion di Standing VIP y Mesa cual lo duna e persona aceso na tur tres dia di evento.

E artista Konshens ta un conocido artista den e genero di Dancehall di cual e tin varios cancion hopi conoci manera “Bruk off ya Back”, “Gal Yu a Bubble”, Mr. Policeman cu Eva Simons y hopi mas.

Konshens a priminti di bay duna Aruba un presentacion unico mirando cu esaki lo ta su brommer biaha riba nos isla.

Pa loke ta e banda di reggae Morgan Heritage Aruba sigur lo bay disfruta di un señor concierto cu e tononan musical di e genionan di e famia di Morgan Heritage.

Aña pasa e banda tabata ganador di e mihor album di reggae den e premionan Grammy’s y esaki ta bisa hopi caba di e calidad di e banda.

Un di e exitonan mas grandi di nan ta “Show Come”, “Donut Haf Treat”, “Down bay te Reher” y otronan.

Otro siman lo anuncia tres artista mas cu lo caba di completa e atraccionnan principal p’e fin di siman di Flip Flop Festival organisa pa Elite Productions & Entertainment Aruba y patrocina pa Chill Beer.

Top