KvK ta informa: Logronan di Camara di Comercio te cu awo pa 2017

Camara di Comercio y Industria di Aruba (KvK) a pone su dilanti pa logra lo maximo cu ta posibel durante 2017 pa bienestar di comercio na Aruba. E lema di KvK pa 2017 ta pa “Trece empresario, Gobierno y comunidad hunto”.

Medio e comunicado aki KvK kier trece dilanti tur e logronan di KvK pa cu e meta aki te cu awo pa 2017.

 

Durante e prome 5 lunanan di 2017 KvK a organisa e. o. diferente reunion:

Reunion cu DIMAS pa facilita e proceso di otorga permiso pa empleado stranhero;

Reunion cu CBA y ABA pa mehora e rol di banco encuanto prestamo pa negoshi y sistema di pago online;

Reunion cu Departamento di Asunto Economico riba facilita e proceso di otorga permisonan y intercambia informacion;

Evento Business Plaza brindando informacion na e empresario;

Bishita comercial di e embahadornan di Sur Africa, Guatemala y Venezuela;

Bishita di un delegacion di Haiti pa introduci vuelo directo entre Aruba y Haiti;

Reunion cu Gobernador di Aruba encuanto desaroyo economico di Aruba;

Reunion cu CBA encuanto e-commerce y transaccion di e negociante;

Reunion cu CXPay pa facilita transaccion pa e-commerce;

Reunion cu APA encuanto propiedad di APA y plan di desaroyo;

Diferente reunion cu Ministernan;

Diferente reunion cu partidonan politico pa intercambio ideanan y puntonan pa futuro di Aruba;

Hackathon Oranjestad pa mehora Caya Grandi den colaboracion cu Ministerio di Economia y Comunicacion, VNO y Bureau Innovatie;

Formula documento di vision di KvK y un plan strategico;

Reunion cu Qredits encuanto micro-financing pa empresario chikito;

Reunion cu IMF, Fitch y Standard & Poor’s encuanto situacion actual y desaroyo economico di Aruba;

Colaboracion cu COSME di Union Europeo pa implementa tools pa yuda e empresario local;

Participacion na reunion di “Association of Dutch Chambers of Commerce and Industry” cu e 4 Camaranan di Comercio di e 6 islanan den Reino Hulandes;

Reunion cu diferente instancia di Gobierno y sector priva encuanto Sustainable Development Goals;

Participacion na entrevista na radio y television pa trece conscientisacion riba aspectonan di negoshi, brinda apoyo na comerciante y tambe encuanto e-commerce;

Reunion cu e. o. Minister di Asunto Economico y Comunicacion pa trece empresarial como un curiculum na scolnan;

Reunion cu DBB y VNO pa formalisa subsidio pa empresario.

 

KvK ta haci su maximo esfuerso pa sigui contribui na e bienestar di e empresario y yuda mantene un economia saludabel pa Aruba.

 

Proximamente KvK lo tene e. o. e debatenan electoral y otro reunion relata na e meta pa 2017.

Bishita nos website www.arubachamber.com of Facebook pa sigui di cerca tur e eventonan cu tin na caminda.

Leave a Reply

Top