“La Cosmovisión Andina aplicada desde la conciencia del Ser”

E charlanan “La Cosmovisión Andina aplicada desde la conciencia del Ser” ta tuma lugar na Biblioteca Nacional Aruba, dianan 24 y 25 di april di 7’or pa 9’or (na Club Fundacion Social Cultural Portugues 26 di april). Esaki ta na Spaño.

 

Reservacion ta posibel via: AyniAruba@gmail.com. Esaki ta un charla cu sr. Carlos Jorge Illapuma, un sacerdote Pampamisayoq Andino di e linahe di e “Misayoc” of “Paqos”. Naci den curason di Andes Peruano, Cusco-Perú, sanador cu maneho di energia, inicia den e caminda di “Qapac ñan” of caminda di Evolucion.

E ta hiba den su gennan tur e conocimento ancestral cu el a hereda di su antepasadonan, esta e Incanan. Carlos a integra den su diferente biahenan, conocemento cu e ta incorpora den e enseñansa di Consciencia pa prepara interesadonan pa e cambio di era. Esaki ta su di dos bishita pa Aruba.

 

Tambe e ta duna un workshop intensivo (29 y 30 di april, y 1 di mei) den cual e lo siña e Maneho di e “Misha Andina” of “Universo Propio”, lo indica ritualnan di Sanación, Autosanación y Códigos Andinos.

Segun cita y reserva, sesionnan priva pa sanacion, oraculo, despacho individual (pa prosperidad, salud etc.), limpiesa energético, limpiesa di cas of negoshi, baño di florecimiento. Por busca contacto pa mas informacion via AyniAruba@gmail.com.

Leave a Reply

Top