Ladron a drenta horta pan y beleg a dicidi despues pa bay cu auto di famia, cu a ser haya banda di Kowloon Restaurant

Doño di un auto horta ayera madruga na Urataka, ta topa e ladron cu su auto dilanti Kowloon Restaurant den Emmastraat.

Mesora nan a exigi e ladron pa para, e no tabata kier a para y nan a blokea e auto, dal’ e contra e  porta di e auto y asina stroba e ladron di por sali.

 

Mientrastanto e doño cu su famia a pidi pa asistencia di Polis cu urgencia, mirando cu e doño tabata luchando cu e ladron.

Polis Motorisa hopi liher a yega n’e sitio y a detene e ladron cu ta un hoben local, kende tabata arma cu un cuchiu.

 

Informacion cu nos a haya despues ta bisa cu diaranzon mainta algo pasa di 9:30 un famia hibando un familiar bay traha, ta topa cu nan Hyundia Getz cu a wordo horta den oranan di madruga. Esaki a tuma lugar na Urataca.

Dilanti Kowloon Restaurant den Emmastraat, nan ta spot e Hyundai Getz bayendo zuid. Mesora nan a actua y a cuminsa grite p’e stop, mas cu claro e no a haci esaki.

Den entrada di Kowloon nan a logra sera e Getz di nan ruman homber y asina a baha subi den e Getz, gritando hendenan rond pa yama Polis mesora.

 

E ladron, kende ta un hoben, tabata bise cu e no sa cu Hyundai tabata di e persona ey. Den algun minuut dos unidad di Motor Unit Policial a yega, caminda cu na prome instante tabata papia cu e ladron tin un cuchiu cune, aki ta caminda cu agentenan a saca nan arma reglamentario, mientras un homber ta wantando e ladron den e auto.

 

Despues mas polis a yega y asina cu basta problema nan a saca e ladron for di e auto y pone den boei.

Mesun hoben aki, segun e famia den oranan di madruga cu el a horta e Hyundai Getz, tabata den nan cas tambe y a horta nan kipashi y tambe beleg cu tabata keshi cu ham, cu nan a cumpra pa mainta.

 

Pues aki nos ta wak un hoben, cu no sa ta kico su problema ta cu a pone yega asina leu. Pa awor e ta bay sera y a wordo entrega den man di Recherche na Frankrijkstraat.

Ambos auto a sufri daño, mirando cu den e persecucion e Celta su porta a kibra y a dobla bay dilanti. (foto cortesia Aruba Native.com)

Top