Ladronisia cu violensia y 4 detencion

WILLEMSTAD – Diárazon 11 di òctober 2017, alrededor di 04.06 or di madrugá, Central di Polis a haña notificacion cu un ladronisia cu violencia ta tumando lugar den un cas den área di Moontjeweg. Mesora Central di Polis a dirigí unidadnan policial n’e sitio.

Na yegada di e unidadnan policial n’e sitio, nan a rondoná e cas y a señala e sospechosonan den e cas.

Siguiendo cu e investigacion e agentenan a bin haña e 4 sospechosonan scondí den un kamber di e cas caminda nan a keda detené.

 

For di un investigacion preliminar cu Polis a realisá n’e sitio a resultá cu e sospechosonan, dos cu arma di candela a sorprendé e 5 miembronan di e famia y bou di menasa cu e arma di candela tabata pidi e famia pa sèn cash.

E hòmbernan sospechoso detené ta: F.S.M.B. di 21 aña di edad; A.J.D. di 24 aña di edad; Ch.M.G.V. di 22 aña di edad y K.J.V. di 14 aña di edad, tur nacé na Còrsou.

Durante nan detencion Polis a haña y confiscá dos arma di candela, muts, hanschoen y un tas cu placa cash.

A presentá e kuarteto dilanti un Fiscal auxiliar kende a ordená nan encarcelamento pendiente di mas investigacion.

Leave a Reply

Top