Ladronnan kier a horta bancomatico

Diadomingo mainta tempran central di polis ta dirigi un patruya den caya principal di San Nicolas pa un caso di intento di  robo.

Nan mester a bay na altura di Caribbean Mercantile Bank, unda cu aparentemente e conocido di Polis di fam Brown, lo a destrui e porta di glas cu ta bay pa e bancomatico di e banco.

Na e sitio e Polisnan ta topa cu e porta kibra y un botter di cerbes “Coors Light” tira na suela. Algun persona cu tabata den bisindario di e parada di Arubus, wardando transporte, a informa e polisnan cu e persona en cuestiona tambe a comete destruccion na otro edificionan den bisindario. Pero nan no sa exactamente cual ta e edificionan aki.

E polisnan a bay controla den bisindario. Na e oficina di Tourist Information Center situa den e edificio di Postkantoor San Nicolas a constata cu e bentana di e luga a wordo destrui cu un boter cerbes “Heineken”. Mas pariba na altura di e edificio di hotel den construccion, banda di AMC Unicon, nan a bin topa cu e homber Brown. Pa 8.15 di mainta el a wordo deteni y transporta pa warda di Polis. Pa 9’or a presente dilanti fiscal auxiliary y cera pendiente mas investigacion.

 

Leave a Reply

Top