Landhee Garcia ta perde su bida den accidente di trafico na Hulanda

Awe a drenta e tristo noticia cu Landhee Garcia a fayece den un accidente di trafico na Hulanda, unda e tabata biba. E accidente a sosode riba A29 cerca di Numansdorp, caminda Garcia tabata bayendo cu auto di su suegra.

 

Na altura di Numansdorp, el a dal contra un pijler di beton, pa cual a solicita asistencia di bomberonan pa sak’e for di e auto. Garcia a sufri varios herida interno y a ser transporta pa EMC na Rotterdam. Pa 6:15am, Garcia a fayece di su heridanan.

 

Landhee Garcia a nace dia 6 di november, 1983, y ta laga atras su pareha y nan yiu. Di parti di AWEMainta, nos ta extende palabranan di condolencia p’e famia di e fayecido.

Top