Lansamento di Van Gomull Group na Aruba

Van Gomull Group (VGM) ta un compania Arubano cu a caba di lansa su mes oficialmente brindando servicio di drone industrial. E servicio inovativo aki ta unico na nos isla. VGM ta uza dronenan special cu por inspecciona y analisa problema cu lo por tin riba cualkier tipo infrastructura mane scheur, frusto of cualkier otro imperfeccion.

 

Sr. Miguel Muller managing director di VGM a declara; “Ya caba nos tin diferente cliente den Caribe y Sur America. Nos ta e unico compania den e region cu ta ofrece e tipo di servicio aki. Nos ta trahando cu diferente partner mane Flyability y Sky Futures. E companianan aki tin hopi aña di experencia y cu nan support nos por ofrece e tremendo servicio aki na Aruba y den region tambe”.

 

E drones aki no ta e tipo cu ta saca potret mane nos conoce, e dronenan aki por haci inspeccion di structura di un edificio y tambe por saca “Thermal images” cu por indica unda por tin problema. E dronenan aki ta diseña pa por drenta den espacionan chikito manera tanki y boilers. Nan ta traha di un manera cu nan por bula den diferente tipo di condicion y tambe nan por yega cerca di un edificio y structuranan di metal den areanan hopi limita.

 

Pa analisa e imagen cu e drone ta saca di un edificio of stuctura, e ta uza un software special cu ta produci imagenan di resolucion halto cu por identifica cualkier imperfeccion con chikito cu e lo por ta rib’e edificio of structura.

 

Cu e servicio nobo aki no mester pone stelashi pa bay halto caminda cu trahadornan mester subi y core hopi riesgo. VGM su servicionan ta hopi mas rapido, economico y tambe hopi mas sigur cu e sistema tradicional.

Pa mas informacion tocante e servicionan di VGM por tuma contacto libremente na +297 594 -2830 of por manda un email na info@vangomull.com

Top