Leslie Merkies: Cada cual cu su igual

Porfin nan a uni. Cada cual cu su igual, ta un dicho cu ta pas exacto p’e tres extraviadonan politico, Andin, Otmar y Marisol.

Nan a uni forsa den un plataforma di “arogancia”,di “manda mas”, di “oportunismo” y di un “pensamento instabil” den e partido POR cu ya caba ta mustrando di ta un partido sumamente populista.

 

Nos tin Andin Bikker, e verlengsnoer number uno di MEP, cu ta kokochá riba e dos ideanan, mi ta bay cu POR y/o mi lo keda cu PDR.

Nos tin un Otmar Oduber, cu kier ta un “manda mas” den tur loke ta gobernacion den Gabinete Eman 1 y 2, cu awe ta leun fuertemente n’e MEP cu a persigui’e pa añanan largo (sin exito) como e tal Otmar manipulador di Fondo di Desaroyo, y awor no por a duna un motibo realmente di peso y valido pa bandona filanan di AVP. P’esey el a orkesta un salida.

 

Y nos tin Marisol Lopez-Tromp, e tirador di mokete den Staten, cu ta un otro “manda mas” egoista y vengativo riba su mes.

Ta bon p’e siguiente informacion aki ta conoci, tempo cu Nel Oduber a haci e expresion den direccion di Marisol tocante un “broedende kip”, un campañador (hende grandi) di MEP di Madiki cu mi conoce bon, a contesta’mi, ora m’a mustre riba e expresion mahos ey, cu –“e muher ey tin nos di MEP hopi frega y trastorna caba, t’abo no sa. Mara e bay fo’i MEP, e ta hopi dificil”-.

 

Ta manera awor ta wordo bisa, e siguiente buelta ta patada ta bay wordo tira. Nos tur ta na altura con Marisol a drenta politica activo, bin chupa cerca AVP pa number halto riba lista, siendo alabez e tabata chupando serca MEP y na final el a subi lista di MEP.

Awe e tambe a orkesta su salida fo’i AVP.

E tresnan aki claramente a demostra cu nan reciente actitudnan egoista di no ta un politico, cu por sera un compromiso cu votadornan, cu ta keda para fiel y trata di cumpli. Politiconan asina no ta di confia.

 

Den politica nan interesnan puro personal continuamente ta bin na prome, na di dos y na di tres lugar.

 

Top