Lider di MEP, Evelyn Wever Croes a presenta Dr. Arthur Vallejo como e voz y voto pa tur Latino

Awe

a inicia un siman grandi, Siman di nos Himno y Bandera y pa nan di MEP, e ta extra importante, segun Evelyn Wever Croes.

Pasobra manera anuncia esaki t’e siman cu MEP ta cuminsa su campaña electoral y e siman aki e lo anuncia algun candidato nobo cu lo subi lista di MEP.

 

Diabierne awor MEP lo anuncia su logo, slogan nobo, su campaña y su candidatonan nobo, cu e vision di solucion p’e realisa e cambio cu tur hende ta anhela.

Y ayera Evelyn Wever Croes a presenta un candidato nobo, kende lo subi lista di MEP, pa yuda e partido cu su vision pa por realisa e cambio.

 

Ta dr. Arthur Vallejo, kende ta un hoben professional, un kaak-chirug, yiu di dr. Vallejo, cu hopi hende conoce y di sra. Gemma Vallejo Oduber.

E presentacion aki a tuma lugar den presencia di tur su famia y MEP ta honra y feliz di por anuncia dr. Arthur Vallejo, kende lo bira un sosten enorme p’e partido, segun Evelyn Wever Croes.

 

  1. ARTHUR VALLEJO

E proximo 6 lunanan ta hopi importante pa Aruba y su focus ta mas bien riba salud, cu mester di hopi mehoria.

Aruba su sistema medico ta mucho basa riba e parti curativo, siendo dr. Arthur Vallejo ta kere cu nos cuido medico mester traha mas preventivo y asina por logra scapa hopi placa.

E dokternan gradua den region por hunga un papel importante den vision di MEP.

 

Tambe dr. Vallejo ta kere masha hopi cu mester pone mas atencion riba inspeccion di remedy, cu lo evita hopi problema. Pesey ta bon pa Aruba tin su propio laboratorio quimico pa haci su propio investigacion.

Dr. Arthur Vallejo ta enfoca riba e voto Latino, pa cual mester traha uni, y pesey el a haci un apelacion n’e Latinonan pa nan tin voz y voto den proximo Gobierno.

 

 

Top