Lider di MEP Evelyne Wever Croes – Tin duda den e calidad di e trabou na hospital

Dudanan riba e proyecto di hospital ta birando cada bes mas grandi, segun lider di MEP Evelyne Wever Croes a bisa den un reunion di Parlamento. Esaki basa riba e calidad cheap di trabou mientras cu e costonan ta haltisimo.

Ta trata di un proyecto cu a costa casi 300 miyon florin mientras cu den e yobida recien cu tabatin ya caba por a nota cu tabatin leak. Un instalacion cu Gobierno mester bay paga SOGA 29 miyon florin pa aña na huur. Ta pesey MEP den oposicion a vota contra e proyecto aki, Wever Croes. A pidi un reunion na januari 2014, cual e prome ronde a wordo teni na februari 2015 y te dia di awe e reunion no a sigui, demostrando un falta di transparencia complete di e anterior mayoria den Parlamento.

Ta debi na e cambio cu e pueblo a pidi pa mas transparencia, e actual mayoria den Parlamento a dicidi di yama e reunion aki. E tabatin critica pasobra e minister demisionario di salud no a cumpli cu e peticion di feiten onderzoek pero a pidi un suma adicional via un presupuesto supletorio, neglishando Parlamento por completo. Y recientemente atrobe ta pidi un suma adicional, cual ta haci cu e compania na final ta haya e suma cu nan a pidi originalmente toch, di 280 y pico miyon florin. Gobierno di Aruba anteriormente a negocia y baha e suma pa renobacion y ampliacion di e hospital.  Pero despues cu trabounan a cuminsa, a constata, segun Wever Croes, cu e gastonan a subi cu 40%.  Aruba no merece un deal asina dudoso, cu gastonan cu cada biaha ta subi, Aruba merece un hospital di calidad y un cuido di salud digno. Aruba merece hopi miho, e lider di MEP a bisa den Parlamento.

El a splica cu nan a pidi e reunion pa brinda e transparencia cu e pueblo kier. E discusion no ta cu MEP kier para cos pasobra sala di operacion y hospital renoba ta necesario. Pero e hendenan mester sat a kico nan ta bay paga y pakico nan tin cu paga pa e sumannan aki cu cada biaha ta subi. Esaki ta e transparencia cu pueblo a pidi y cu MEP ta dunando.

Photo credits: Marcel Rijsdijk

Leave a Reply

Top