Lider di MEP ta duna reconocemento na Mama Ita

Lider di MEP hunto cu e hobennan di HOT a bishita Boliviastraat p’asina entrega un reconocemento na sra. Margarita Hernandez-Villaroel.

Señora Margarita, cariñosamente yama Mama Ita, a sostene partido MEP desde cu el’a bin biba na Aruba.

E ta un sostenedor fiel, pero mirando cu awor e no ta cana mas, lider di MEP Evelyn Wever-Croes a bay bishite na su cas pa entrege e reconocemento.

 

“Nos ta reconociendo nos hendenan cu a funda nos partido, y a sostene nos partido durante e 46 añanan di existencia.

Nos tin hopi hende pa reconoce ainda, pasobra ta miles di persona a sostene nos partido durante 46 aña.

Algun lamentablemente ya a fayece, y den e caso ey nos ta entrega e reconocemento na su familiarnan. E ta algo hopi bunita.

 

Na april nos lo sigi entrega e reconocementonan. E alegria y orguyo riba cara di cada homenageado, manera Mama Ita, ta yena nos cu hopi alegria y ta duna nos animo pa sigi”, palabranan di lider di MEP Evelyn Wever-Croes.

Top