Like, Share y Post pa gana ticket pa rifa di Cas di Lions

Aruba Lions Club ta lansa su campaña gana cu Lions. Faltando 4 luna p’e rifa di cas tuma lugar, Lions Club lo duna pueblo en general chance di gana cada luna ticketnan p’e rifa di cas cu lo hunga dia 9 di juni 2017.

E campaña ta ensera cu awor te cu mei lo tin e oportunidad di gana free tickets pa cas.

Cada luna lo tin un diferente tema y p’e luna di februari e tema lo ta Carnaval. Si bo like y share bo tin chens di gana 5 ticket pa gana e cas, pero si bo Post bo potret cu bo pareha den ambiente di Carnival bo tin chens di gana 10 ticket pa gana e cas di Lions.

 

Fin di luna di februari lo scoge e ganador di Like & Share y e ganador di mihor potret y e lo gana 10 ticket, balora na fls 250,- pa rifa di cas di Lions.

Durante e luna di maart e tema lo ta ARUBA. Di e manera aki tambe Aruba Lions Club ta gradici pueblo di Aruba p’e sosten ricibi pa durante casi e 70 aña.

E cas cu Aruba Lions Club ta rifando ta e di 59 cas y cu lo ta un exito completo. Pronto lo tin ponemento di e prome piedra di cas situa na Jan Flemming, Santa Cruz.

 

Top