Lo pinta un mapa nobo, cu participacion di Aduana

Ayera Minister di Finanza, mr. Angel Bermudez y Sindicato di Aduana, a haya otro, pa loke tabata e origen di conflicto na Aeropuerto.

Di e forma aki, como cu tin cierto claridad, por lo pronto no tin motibo pa tin mas accion na e.o. Aeropuerto.

 

Den combersacion ayera tardi cu Presidente di SADA, Eward Maduro, el a informa cu nan mes tabatin un schets pinta di e espacio pa Aduana na Aeropuerto, pero como cu Mando di Aduana, tampoco Aeropuerto no a permiti nan participa den e pintamento di mapa, a haya e consecuencia cu manera e situacion tabata, cu Doaune lo no keda cu mucho espacio pa por haci nan trabao.

Minister Bermudez mes a bay pone su mes na altura di e situacion y el a comparti opinion di SADA y asina despues di a delibera cu AAA N.V., mustrando riba e situacion, a dicidi cu lo bay pinta un mapa nobo, y cu participacion awor di SADA.

 

Esaki mester tuma lugar mas liher posibel, pasobra aworaki e trabao di reconstruccion ta “on-hold” y como tal mester keda cla pa nan por sigui traha.

E mandatario a reuni hopi e ultimo dianan aki, cu manera menciona e mes a bay personalmente Aeropuerto pa mira kico tur a wordo construi y kico t’e plannan di renobacion.

 

A papia cu gerencia di AAA, y asina nan a haya otro na bienester di cada partido, segun Edward Maduro, Presidente di SADA. Tur accion por a ser evita, si Mando di Aduana, a duna SADA un participacion real den casonan asina.

Top