Lodge King Salomon ta conmemora 70 aña di fundacion

Maske cu e fecha ta dia 10 di februari 1947, cu Lodge King Salomon a keda funda, e organisacion a dicidi di celebra e luna di mei aki, e fecha di fundacion 70 aña pasa.

Miembronan di Lodge King Salomon a dicidi asina den tur e programa cu nan tin den e dianan aki, pa pone un krans na un di e fundadornan cu ta Lloyd Gaston Smith.

Lloyd Gaston Smith a nace na 1891 y a fayece na 1958, pero tempo cu e tabata na Aruba, e tabata General Manager y Presidente di Lago Oil & Transport Co.Ltd. y como un miembro di Mason, el a funda e capitulo di King Salomon na Aruba na 1947.

Pa honr’e cu celebracion di 70 aña di fundacion, e miembronan di Masonry a pone un krans na su busto, cu ta keda dilanti di Cas di Cultura. Antayera, nan a haci un bishita di cortesia na Gobernador Alfonso Boekhoudt, unda a inform’e mas di loke nan ta haci pa comunidad di Aruba.

Top