Logos Hope ta trece su tripulacion internacional

LOGOS HOPE, e boto cu e feria di buki mas grandi di mundo pronto lo yega Oranjestad cu su tripulacion internacional cu nan historia interesante, despues di hopi aña, e tripulacion ta anticipa un tempo inolvidable compartiendo nan conocemento y conectando cu su bishitantenan.

 

Femke Rutgers di Santa Cruz ta un di e 400 voluntario. Na 2005 Logos II, e boto ruman di Logos Hope a bishita Aruba. E mayornan di Femke a hibe cu su rumanan riba e boto pa cumpra buki y Femke su interes pa join a cuminsa crece.

 

Mientras Femke tabata bishita Logos II, el a top cu un miembro Rubiano di tripulacion cu a cont’e mas over dj’e boto: Femke a declara: “scuchando su experencianan riba e boto a haci mi interesa pa haci mescos.” Aunke e tabatin 8 aña di edad so, e nunca a lubida e “book ship” y a bisa pa su mes “un dia e lo ta parti di dj’e”.

6 luna despues cu a caba scol secundario, Femke a wordo acepta como voluntario y a bula bay Malaysia pa un training. Femke a join e departamento di feria di buki y mas despues el a wordo puntra pa bira un lider di su ekipo.

 

Durante su 2 aña di compromiso, Logos Hope a visita puertonan na Asia, Africa y Caribe. Un di su experenciana favorito tabata na Taiwan, den un dia hopi druk, Femke y un amiga di Bahamas a haci un swing dance pa haci e fila pa drenta boto mas placentero.

 

Femke ta bisa: “Logos Hope ta diferente for di tur otro bookshop cu bo por a bishita.”
E ta sigi bisa “bo por experencia un tiki dj’e culturanan di mundo for di e prime momento cu bo ta subi e boto. Mi ta hopi contento mi por trece mi famia y amigonan di Aruba na mi cas flotante, y hiba mi amigonan di boto na mi isla bunita!”

E boto tin 400 boluntario di mas di 60 pais, cu ta laga nan famia, trabao y cas atras, E tripulacion ta ofrece un ehempel di unidad den diversidad cultural. Algun di nan ta bin cu calificacion pa trabao specifico manera: ingeniero, plomero, carpinte, coki y otro sorto di profesionalnan, pero hopi hoben ta bin sin un profesion pero cu un disposicion pa sirbi. Aunke nan por bin di diferente trasfondo, e tripulacion ta di acuerdo cu un meta comun: sirbi hende pa medio di proyectonan di servicio social y bon literatura.

MV Logos Hope ta wordo opera pa GBA SHIPS E.V. un organisacion caritativo internacional registra na Alemania. For di 1970, e organisacion a duna bon bin na mas di 45 miyon di bishitantenan den mas di 150 pais rond mundo.

 

 

MV Logos Hope ta habri pa publico na e terminal crucero di Oranjestad for di 21 april 2017 te cu 7 mei 2017. Orario pa publico ta diamars pa diasabra 10:00 AM – 9:00 PM; diadomingo 2:00 PM – 0:00 PM; dialuna ta cera. Entrada ta Afl. 1,00 pa persona. Muchanan bou 12 aña di edad ta drenta gratis y mester ta compaña pa un adulto. Adulto riba 65 aña ta drenta gratis. Pa mas informacion, bishita: www.logoshope.org/aruba.

Top