Loke cu autoridadnan local mester tene cuenta cune cu Venezuela a duna un cantidad di pasaporte na personanan cu tin lazo cu terorismo

Na CNN nos por a sigui un noticia cu a hala nos atencion, esta cu Venezuela ta partiendo un cantidad grandi di pasaporte cu hendenan cu tin lazo cu terorismo. E reportahe aki a ser haci p’e periodistanan,  Scott Zamost, Drew Griffin, Kay Guerrero y Rafael Romo, kendenan a haci e investigacin pa CNN.

T’asina cu un ex-consehero di Embahada Venezolano na Iraq a dicidi di basha abao di e operacion cu a bin ta tumando lugar.

Lopez ta masha conserni pa su seguridad y di su famia, pero manera bisa, el a dicidi di denuncia e practica aki di parti di Gobierno di Venezuela.

 

Misael Lopez, 41, a declra cu varios pasaporte, cu visa a ser bendi pa varios mil dolar pafor di Embahada di Venezuela na personanan cu ta ser califica como terorista, cu sigur ta forma un peliger pa e.o. Merca, pero tambe pa varios pais Europeo.

Y tambe cu e personanan aki, por drenta facilmente via di e.o. Aruba p’e demas continentenan.

Haciendo e investigacion aki, a bin descubri un cantidad di iregularidad, maske cu autoridadnan di Venezuela a nenga e alegacionnan aki, esta cu Embahada di Venezuela ta issue pasaporte na personanan liga na terorismo.

 

Un documento confidencial a ser obteni, unda e actual Vice Presidente nobo di Venezuela,  Tareck El Aissami lo a duna na 173 Venezuelan pasaporte y ID nobo, na e.o. personanan cu ta pertenece n’e grupo di terorista Hezbollah.

Acusacionnan similar a ser haci caba pa prome biaha, ora cu Hugo Chavez a bira Presidente di Venezuela na 2000.

 

Ta di spera cu autoridadnan di inteligencia y hudicial di Aruba tuma nota di e publicacionnna aki, pasobra mesun personanan aki por usa Aruba como trampolin pa bay Merca of Europa.

 

 

Top