Lorenzo Leeuwe a sali prome luga den competencia di Body Building na Rotterdam

Diadomingo 23 di april ultimo, e hoben Arubiano Lorenzo Leeuwe a competi den e deporte di Body Builing na Stadsschouwburg, Rotterdam.

 

Lorenzo a sali prome luga den siguiente catogorianan:

  1. Junior
  2. Heavy weight
  3. Overall Dutch Champion

 

Lorenzo a cuminsa practica body building na e edad di 14 aña. Ora el a haci 18 aña el a competi pa prome biaha y a gana prome luga di Mr. Aruba Beginner y den e categoria te 80kg.

Su sigiente aña el a sali segundo luga di Mr. Aruba den e categoria te 90kg.

For di e momento aki e tabata sa caba cu su soño ta pa bira un bodybuilder profesional.

 

Na 2015, el a muda pa Hulanda pa sigui su estudio di ley y tambe kier a sigui progresa den e deporte di bodybuilding. Su meta ta pa caba su estudio y lo competi den e deporte di bodybuiling internacional riba nivel profesional.

 

Un danki special ta bay na su sponsor XXL, su coach Milos Sarcev y Kneets Gym na Hulanda.

Tambe un danki na su mayornan Robert y Grace Leeuwe, rumannan Giano y Larisa Leeuwe y sin falta su pareha Thay Arends y Giovanni Arends, Hardcore Gym, pa tur nan sosten, apoyo y conseho.

Top