Los Laga Bai ta gradici y felicita tur 500 participante

Despues di un exitoso temporada di Aruba su Carnaval 63, Los Laga Bai kier extende un palabra di gratitud y felicitacion na tur nos 500 participantenan pa cu nan creatividad, exuberancia y alegria durante nos celebracion di 35 aña di existencia.

 

Tambe nos kier a gradici tur nos boluntarionan (bartenders, drivers, LLB girls/guys), nos security team, Cuerpo Policial di Aruba, Cruz Cora Aruba y naturalmente miembronan di SMAC pa a organisa un tremendo Carnaval. Un danki special ta bay na Robert Jeand’or y Su Solo Banda Show y Bencho Giel cu hunto a percura pa e ambiente musical cu a compaña LLB riba caminda.

 

Un danki grandi ta bay pa e sponsornan di LLB cu ta haci tur esaki posibel: Romar Trading (Heineken), Albo Aruba NV, NV Arubaanse Wegenbouw Mij., CMB, Wema, Aruba Lottery, Manrique Capriles, Best Doctors, Blue Eyes Catering, Richelle Beauty Vision y I.L. Laboratorio Familiar NV.

Danki na tur medionan di comunicacion cu a sostene y elogia nos durante e temporada di Carnaval. Na tur otro instancia y/of persona cu a yuda nos di un manera of otro pa nos por a celebra nos di 35 aña riba caminda, un danki di curason.

 

Por ultimo na e pueblo di Aruba en general DANKI pa e apoyo y e animacion cu semper LLB por conta riba dj’e durante paradanan y un pabien cu e exito di Carnaval 63.

Leave a Reply

Top