Los Laga Bai ta gradici

Loke cu a pasa diasabra ultimo, prome cu Lighting Parade, cu e trailer di Los Laga Bai, por pasa cu tur hende. Aunke tur trailer ta gekuerd, tog un di nos trekkernan a confronta problema prome cu salida.

Pa medio di esaki, nos di Los Laga Bai kier manda palabranan di un danki grandi na Anthony Dijkhoff y su team,  kendenan sin bacila a saca un man pa yuda Los Laga Bai, poniendo un otro trekker den minimo di tempo, p’asina Los Laga Bai por a sali tog na tempo, maske na penultimo lugar.

Tambe nos mester gradici Bencho Giel y su team, pa a haci e conexionnan di speaker, tambe den minimo di tempo p’asina Robert y su Solo Banda por a cuminsa toca caba for di Avenida Milio Croes.

 

Danki tambe na SMAC, pa nan cooperacion p’asina e band-trailer por uni e grupo for di inicio di  e parada.

Saliendo como penultimo, e pueblo na banda a sa di aplaudi loke cu Los Laga Bay a presenta riba caminda y como tal masha danki p’e sosten.

No ta pornada, Los Laga Bai ta wordo recompensa cu e titulo di E Grupo di Mas Ambiente.

 

Pa medio di esaki tambe, nos di Los Laga Bai kier gradici su participantenan, p’e pasenshi cu nan tabatin. Ya for di den Avenida Milio Croes, a pone musica non-stop pa nos participantenan por a baila te fin.

 

Top