Mañan diasabra tin e di 4 edicion di MMA: “Four Men Tournament Titel Fight”

Mañan

diasabra lo tuma luga e di 4 edicion di MMA cu t’e “Four Men Tournament Titel Fight” y durante e anochi aki lo tin 10 pelea, pero tambe e ta un torneo di titulo. E deporte di MMA a crece hopi internacional, pero localmente esaki a crece tambe.

E fundeshi di MMA ta Muay Thai y p’e motibo Richardson a enfoca pa bin cu e pelea aki, pasobra ta importante pa duna e atletanan cu ta practica solamente Muay Thai atencion.

 

P’e motibo aki a crea e evento aki unda cu lo tin peleanan di titulo mundial. President di Muay Thai tambe lo ta presente na Aruba pa presencia esaki. E torneo aki ta uno di importante, unda cu tin participantenan di Aruba, Surinam, Sint Maarten, Venezuela, Bonaire y Corsou, asina Manuel da Silva a indica. El a splica cu e deporte aki ta uno importante y lo tin atletanan importante den e deporte aki.

 

Richard Illidge a indica cu e peleanan cu lo tuma lugar ta di calidad y lo mester enfoca riba Muay Thai. Na Aruba tin diferente deporte di arte marcial. Lo bay tin e pelea di titulo WKA unda Jethro St. Fleur di team Bulldozer Aruba lo defende su titulo y lo competi pe faha.

 

E peleanan lo ta como lo siguiente: Gerald Kelly (Aruba) vs Leonardo Philips (Aruba); Gerrick Bonteko (Aruba) vs Reangelo Bonafasia (Corsou); Rodney Marugg (Aruba) vs Robin Howsen (Corsou); Davidlee Winklaar (Bonaire) vs Nevil Van Els (Surinam); Francisco Acosta (Venezuela) vs Anwar Karsters (Surinam); Harry Avendano (Venezuela) vs Marsharl Oehlers (Aruba); Akeem Jaml (St. Maarten) vs Shaneilson Schoop (Corsou); Omar Marshaw (St. Maarten) vs Joshua Karsters (Surinam) y Shawn Ray Koolmar (Aruba) vs Jethro St., Fleur (Aruba).

 

E evento di MMA t’awe diasabra 1 di juli na Centro Deportivo Betico Croes pa 8:00 PM, pero porta lo habri pa 6:00 PM. Busca bo carchi pa bo tambe ta eyden pa mira ken lo gana nan pelea y kendenan lo bay cu e titulo.

Balashi ta contento di ta e sponsor principal di e evento y ta invita Aruba completo pa bin presencia e peleanan.

 

Leave a Reply

Top