Manehado di brommer ta perde su brasa den accidente

Diasabra madruga pa 4:32am, Central di Polis ta haya yamada di un accidente di brommer cu a cabi tuma lugar rib’e caminda di Shaba na altura di Compleho Frans Figaroa.

 

Patruya di Polis di Noord ta presenta di biaha na e sitio na unda ta pidi pa ambulance cu urgencia mirando cu e manehado, Edgar Ridderstap, di 29 aña, di e brommer ta mustra hopi grave dor cu el a perde un bandi brasa y tabata sangra hopi.

 

Na yegada di ambulance a stabilis’e y hib’e inmediatamente Hospital. Specialista di trafico a presenta p’asina haci su investigacion kico por a sosode.

Loke por a compronde cu e manehado di e brommer MFA-1137 bayendo direcion Noord pa un of otro motibo a perde control y a dal den un palo di luz. Su situacion ta hopi CRITICO.

 

E manehado a perde su brasa banda drechi. Tambe tur dos su pianan ta kibra y tin hopi sla paden.

Top