Mariniers a caba nan entrenamento pa Homber Rana

Cu un operacion na Aeropuerto Reina Beatrix, 4 curista a termina un curso masha pisa diadomingo anochi, nan a termina nan entrenamento pa bira “‘kikvorsman” cu ta un cuerpo speical di Cuerpo di Marina Hulandes y nan a haci esaki cu exito.

(Nota di Red: Nos tabatin un poco dificultad pa haya un palabra nan Papiamento pa “kikvorsman”, cu na Ingles ta Frogman y na Spaño Homber Rana. Lo kier men, nos mester traduci na Papiamento como Homber Dori? Nos a dicidi pa usa Homber Rana)

 

E mariniernan durante e entrenamento aki, a sa di specialisa nan mes den exploracion y haci nan operacion den nos awanan, unda dificilmente por midi nan forza na un manera visible.

Pa nan por haci nan entrada na Cuerpo Special di “Maritime Special Operations Forces” di Marina Real, e cursistan mester a sigi un entrenamento di 6 luna.

E ultimo parti di esaki, a tuma lugar na un lugaar den Caribe.

 

Aki e hombernan aki mester a ehecuta diverso Maritime Special Operations, manera exploracion, ehecuta detencion, liberacion di rehennan, etc.

Den nan encargo pa haci, nan a haya sosten di e.o e unidad di K-9 di Husticia di Aruba y pa personal di Aeropuerto Reina Beatrix.

E esfuerzo y entrenamento den awa cayente ta keda relevante y den esaki e Caribe Hulandes ta excelente pa haci tipo di entrenamento pa haya mas homber rana.

E entrenamento militar den Caribe ta garantisa tambe un regio hopi sigur.

 

Top