Mas investigacion Jamaicaweg – Ministerio Pubilico kier pa mas testigo bin dilanti

WILLEMSTAD – Diferente testigo a mèldo nan mes relacioná cu un yamada di Ministerio Público (OM) Corsou dia 2 di òctober, relacioná cu tiramento den Jamaicaweg di dia 7 di augùstùs 2017. Un yamada cu OM ta bolbe ripiti awe.

Mientrastanto mas investigacion a keda hací.

 

E team investigativo di “TGO Jamaicaweg” a establece cu e SUV color preto cu tabata envolvi den e tiramento, tabata un KIA Sportage cu a keda hortá dia 4 di jüni 2017 y tabata originalmente un otro color.

A bin descubri e SUV preto mas lat anochi kimá na “Shut” na altura di bario di Sero Fortuna.

 

N’e tiroteo den Jamaicaweg 7 di augùstùs 2017 pegá cu “Toko Chow” a baha 3 pa 4 persona for di e SUV colo preto. Nan a baha for di e SUV y a basha bala riba un grupo di hende cu tabata celebrá un cumpleaños. 5 Persona a perde nan bida debi n’esaki.

 

E investigashon ta ser ehecutá dor di un asina yamá Team Grootschalig Onderzoek (TGO) dor di Polis di Còrsou (KPC).

Testigonan cu a mira e incidente, of tin mas informacion tocante e SUV hortá cu a ser usá, ta ser invitá pa drenta den contakto y yama telefon 917 of e liña anonimo 108.

 

Ministerio Público ta haci tur posibel pa busca e culpabelnan di e crimen y pa trece nan dilanti un Huez pa nan ser huzgá.

 

 

Leave a Reply

Top