Maske con liher un mentira ta, e berdad semper lo alcanse na caminda, Pa: Hiacintha Thijsen Trimon

Bo por para gaña un pueblo pa basta biaha, pero Bo no por sigui kere cu Bo por gaña un pueblo pa resto di bo bida.

Awe nos pais Aruba ta pasa den un berguenza di mas grandi cu tin, unda cu Ministernan a para bira, e ladronnan di mas sinberguenza y sin gevoel cu un pais por a hereda.

 

Awe e tribunal Divino di Dios a cuminsa duna su sentencianan pa sera ladronnan corumpi

cu ta horta placa di pueblo di e pober pagadornan di belasting.

No ta Paul Croes so mester ta sinta den e banki di corupcion ta warda su castigo, pero tur otro Ministernan tambe.

Otmar Oduber kende den menos cu 5 minuut, a bay serca Benny Sevinger pa kita un tereno dilanti di e pier di Savaneta for di Jolanda Croes y a logre tambe y e cas cu Jolanda kier a traha no a bin nunca mas.

 

Otmar Oduber su exprecion tabata cu ta Ministernan ta Gobierno y ta nos ta manda y cu otro palabra Otmar Oduber kier men Parlamentarionan di AVP drop dead.

Ta fresco den mi memoria y cu ainda ta haci mi hopi dolor con Otmar Oduber por ta contra di su mama y su tata. Dia cu Minister y Parlamentarionan kier a kita Gelijkbedrag y Bashi Premie,

for di nos pensionadonan y pa haye pa nan mes, mi persona a yama Otmar Oduber na telefon

y a roge pa bay lucha pa nos pensionadonan, pa Mike Eman no kita nan Gelijkbedrag y Bashi Premie, pasobra e ta algo cu nos pensionadonan ta depende di dje y cu ta nos pensionadonan ta fundeshi di nos pais y cu un tono hopi sinico Otmar Oduber a contestami, cu for di mi mama cu mi tata mes mi ta kit’e.

 

Ta tristo pa Bo wak con un yiu cu pa placa ta cla pa ranca pan for di boca di su mama y su tata. Decepciona di Otmar Oduber mi a haya mi obliga ta bay serca sr. Mike Eman pa no kita e Gelijkbedrag y Bashi Premie for di pensionadonan y mi a logr’e tambe.

Pa awe Otmar Oduber su mama y su tata por disfruta di nan Gelijkbedrag y Bashi Premie.

Den mi concepto tur Minister cu a haci nan mes condenable y culpable den corupcion di tereno y placa di pueblo, e tram tin 4 wagon pa hiba nan prizon.

Con por ta posibel cu e haragan golos sin gevoel y sinberguenza Ladroncita Arends por haya tanto tereno asina for di Benny Sevinger pa bende.

 

Ministerio di Husticia unda Bo ta?? Cuanto placa Ladroncita Arends mester a parti bou mesa pa campaña di AVP.  Con nos Prome Minister sr. Mike Eman por a consenti y permiti tanto corupcion y sinberguenzeria asina??

Ladroncita Arends a piratia casi tur tereno aki na Aruba, Piet Hein ta keda chikito banda di Ladroncita Arends.

Historia a conta cu den aña 1948 pa un homber por vota e mester tin un tereno eigendom y aki nan difunto Henny Eman cu deseo di gana eleccion, a firma tereno nan pa homber por a vota y atrobe e famia Arends nan a haya masha hopi tereno na Aruba, mi mama difunto a contami cu e famia Arends nan a haya hopi tereno, pasobra nan ta yiunan di afo di famia Eman, pero famia Ormannan si no tabatin e suerte ey.

 

Famia Arends, nan a haya terenonan grandi di difunto Henny Eman na Boca Prins, Bringamosa,  Washinton, Bubali, Palm Beach, Saliña di Savaneta, tambe unda cu hotelnan grandi ta traha, cunucunan grandi na Palm Beach, cunucu San Hose y Club Grandi pega cu lama.

Tur nan a bende cu hotelnan pa enriquese famia Arends, sin conta esnan na Playa. Cada bez cu tin un Eman na cabez, terenonan di Aruba ta wordo hinca den man di hende robez.

Famia Arends ta un famia hopi previlegia pa famia Eman, pasobra nan ta casi ruman.

No ta pornada cu partido U.N.A a bin cu U.N.A di Playa y U.N.A di campo, pasobra e tempo ey e Arendsnan tabata haya tur cos.

 

Tin un dicho ta bisa: Nunca uza pa goberna un pais, un capitalista, pasobra e no tin piedad di un  pober campista.

Lustitiae semper vicerit.

Leave a Reply

Top