Mayan e ultimo cargamento pa St. Maarten ta sali

Cruz Cora Aruba ta yama danki na un y tur cu for di momento di e desaster na St. Maarten a haci donacion di producto p’asina por a manda asistencia di e forma ey isla ‘riba.

Cu ayudo di henter comunidad di Aruba, Service Clubs, organizacion, instancia, skol, wholesalers, hotels, supermercado, restaurant y otro companianan mayan, 12 di october ta sali Cruz Cora Aruba su ultimo cargamento pa St. Maarten.

Tambe Cruz Cora ta gradici tur boluntario, management y directiva di Cruz Cora Aruba cu a traha dia y anochi pa haci tur esaki posibel henter luna di september y ainda e siman aki a logra prepara e ultimo cargamento.

Por sigui haci un donacion riba e cuentanan di banco di emergencia special pa yuda cu tur trabou y material na St. Maarten: Aruba Bank # 038.401.0390: Caribbean Mercantile Bank # 641.733.07.

Aruba,….Masha masha danki.

 

Leave a Reply

Top