Mayan piloto Turko arestá na Corsou lo ta dilanti Huez

WILLEMSTAD –  Diarazon Ministerio Publico lo presentá cargo Pro Forma contra e dos pilotonan Turko cu a keda arestá dia 28 di september aña pasá den relacion cu hayasgo di un lote di 289 kilo di cocaina cu nan tabatin prepará den un van riba tereno di stacionamento di Swiss Cargo na Hato.

 

E avion tabata prepará pa lanta buelo ora cu hendenan atento a weita movecion sospechoso riba e lugar di stacioná auto y a avisa seguridad y a bin haña dos persona den un van den cual tabatin e droga y un arma largo di candela.

Ne ocasion ey a arestá 4 persona di cual un den Hotel Otrobanda, pero despues a lage bay, pasobra e no tabatin di haber cu e caso.

 

E pilotonan ta Metin Timucin y Kazim Alemdag, kendenan ta den detencion preventivo for di e tempo ey. Nan mes ta doño di e avion cu bal basta miyon dolar. Nan abogado ta mr. Vaders.

 

 

Tabata den oranan di mardugá grandi den anochi di diasabra pa diadomingo di 29 pa 30 di september cu a arestá e dos Turkonan y un cómplice Curasoleño.

Nan tabatin tur cos prepará pa move sin ser detectá na Aeropuerto, pero nan a faya un caminda y hende a mira nan.

Den e operacion aki agentenan a confisca 7000 euro y riba encargo di Ministerio Publico a arestá un persona mas den hotel Otrobanda.

Un di e pasaheronan cu nan a arestá ta di nacionalidad Aleman.

 

Top