Medwerk ta sigui brinda recien graduadonan oportunidad riba tereno di medicina ocupacional

Den e ultimo 4 aña, e cantidad di dokter cu a finalisa nan estudio den nos region a subi. E ta keda un reto si pa nos yiunan di tera, dokternan jong recien gradua pa por logra haya un trabou adecua pa locual nan a studia, na Aruba.

 

Medwork tin un bon experiencia cu e dokternan jong y cu bon formacion. Despues cu nan drenta servicio di Medwork, nan ta ricibi un training extenso como dokter ocupacional y ta bay ehecuta nan trabou bou supervision di otro colega dokternan senior cu tin nan registracion di BIG, e asina yama BIG-registratie.

 

Mientras tanto, el a bira un rutina di tur aña, segun nos educador drs. Geelkens, cu mas y mas dokternan Arubiano cu a gradua den nos region, ta bati aki na nos porta na Medwork cu hopi interes pa por logra haya e formacion extenso aki.

Companianan y como tambe Gobierno ta poniendo mas y mas atencion riba condicionnan di trabou y salud di trahadornan. Companianan ta haci mas pregunta referente Arbo.

Companianan ta lucha dia a dia cu e. o. productividad na trabou, edad cu ta subiendo di trahadonan, e situacion di salud di nan personal, tambe ultimo tempo ta drenta varios pregunta riba seguridad di trabou y condicion di trabou liber di droga.

 

Naturalmente esaki ta trece cu ne cu dokternan ta bira mas interesa den e ramo di medicina aki, kier sa mas y kier educa nan mes mas rib’e tereno ocupacional, cu no ta mucho conoci na Aruba. Alejandra Vallejo ta un di e dokternan Arubiano jong gradua, y cu ta masha interesa den e ramo aki di dokter ocupacional. El a haci su estudio di medicinas na Colombia.

Dokter Vallejo a ricibi su training den Arbo na Medwork y a finalis’e cu exito, y ta trahando actualmente na Medwork como dokter ocupacional.

 

Por aprecia Dr. Vallejo den su oficina, rib’e potret adhunto. Aki na Medwork nos ta sigui cu nos compromiso di por brinda nos recien graduadonan un oportunidad di forma nan futuro rib’e tereno di medicina ocupacional.

Top