Mentor Swinda Venhorst-Thijsen: “Ta hopi importante pa for di awor caba busca vivienda pa ora di bin studia otro aña na Hulanda’

DEN HAAG – P’e studiante cu ta pensa di bin studia na Hulanda otro aña n’e siguiente ciudadnan Nijmegen, Arnhem, Wageningen, Tilburg, Breda, Den Bosch, Eindhoven, Maastricht, Sittard y Heerlen mester tene na cuenta cu mester inscribi pa kamber na tempo.

Sra Swinda Venhorst-Thijsen, mentor di Arubahuis p’e cuidadnan aki, ta informa riba e asunto di buscamento di vivienda.

‘Abo como studiante ta responsabel pa haya vivienda na Hulanda. Como mentor mi tarea ta pa duna e informacion necesario con pa yega na un kamber.

Mester inscribi na un Studentenhuisvestingsbureau pa haya un vivienda di un woningcorporatie a base di un bon contract y cu ta pagabel,’ asina señora Venhorst-Thijsen a bisa.

 

PAKICO INSCRIBI NA TEMPO?                                                                                                                                  Segun e mentor ora bo yega Hulanda bo mester por regla un vivienda mesora a base di e inscripcion cu bo a haci caba y na tempo.

Si bo no a haci e preparacion ey, bo lo no tin vivienda pa por inscribe na Gemeente, bo no por haya bo BSN-nummer.

Y sin BSN-nummer tur resto di asunto cu bo tin cu regla prome cu collegejaar cuminsa ta keda pega.

 

P.e. habri cuenta di Banco, DUO, OV- chipkaart etc.  Bo ta depende e ora di vivienda di e makelaarsnan, cu ta hopi caro, y nan no tin suficiente aanbod bon tampoco den augustus.

Ta hopi importante pues cu bo por regla un kamber of studio liher den augustus of den juli caba unda cu den e opvangprogramma na augustus tur cos ta keda regla den algun dia.

Swinda: ‘Si dia 1 di september bo no ta inscribi na un Gemeente na Hulanda bo no tin derecho riba e studiefinanciering di DUO di luna di september.

Pa ley bo mester ta inscribi na Hulanda den 5 werkdagen, pasobra bo a schrijf uit for di Aruba. Hogeschool of universiteit por pidibo tambe e ora un collegegeld hopi mas halto.

 

Tin Gemeente cu no ta dunabo e BSN-nummer mesora tampoco. Mester warda 2 of 3 siman pa haye. Por ta cu bo tin un BSN-nummer caba dor cu bo a biba na Hulanda un tempo. Si bo regla un kamber serca famia of conoci bo mester check si e persona mag inscribibo na Gemeente riba su adres.

Tin hopi asunto pues cu ta depende di bo preparacion pa bin Hulanda. Cuminsa awor!’ asina Swinda Venhorst-Thijsen ta enfatisa.

‘Aki mi ta duna e websitenan cu ta importante pa inscribi pa vivienda. Tin cu ta gratis. Si bo ta duda riba cua estudio bo ta bai sigi of na cual ciudad bo kier bay studia, inscribi tog na algun site.

Despues bo ta haci bo escogencia. Tambe studiantenan cu no ta bin Hulanda otro aña por inscribi alvast paso bo ta bouw op bo inschrijftijd cu ta dunabo mas posibilidad y seguridad pa vivienda pa ora bo yega. Mire como un bon inversion den bo futuro como studiante.’

 

E studiementor kier apunta cu pa NIJMEGEN mester inscribi no mas laat cu dia 1 di november 2017 na SSHN pa por yega na un kamber na juli, augustus of september otro aña!!

‘Bo por paga e inschrijfgeld ora bo yega Nijmegen otro aña. Na studenten complex Hoogeveldt y Vossenveld tin mas chance pa haya un kamber.

En general bo por yena un postcode fictivo paso Aruba no conoce e sistema ey. Yena 1111 AA. (Dus 4 cifra cu 2 mayusculo) Lesa e sitenan bon!’

Pa cualkier pregunta bo po acerca e mentor di Arubahuis, Swinda Venhorst-Thijsen, na swindavenhorstthijsen@hotmail.com y via Whatsapp 0031653 51 89 58

 

Esakinan t’e websitenan pa busca vivienda:

NIJMEGEN: www.sshn.nl (por check vivienda pa studiantenan cu yiu tambe!)

ARNHEM:                                                                                                                                 www.sshn.nl (studia na Arnhem y biba na Nijmegen)
www.entree.nu of www.studentinarnhem.nl

WAGENINGEN:
www.idealis.nl

TILBURG:
www.klikvoorkamers.nl .                                                                                                        www.sshxl.nl of www.talentsquaretilburg.nl  Check e site aki tambe pa un bista riba e campus

BREDA:
www.klikvoorkamers.nl
www.easystreetstudent.com  Check e site aki tambe pa un bista riba e campus

DEN BOSCH:
www.woonservicedenbosch.nl

EINDHOVEN:
www.vestide.nl
www.eindhoven2stay.com

MAASTRICHT:                                                                                                                         www.maastrichthousing.nl (tambe pa Sittard y Heerlen)

SITTARD:                                                                                                                                  www.woonpunt.nl

HEERLEN:
www.wsdevoorzorg.nl

 

 

Leave a Reply

Top