MEP a asisti na conferencia di decolonisacion di COPPPAL

Un delegacion di partido MEP consistiendo di lider di MEP, Evelyn Wever-Croes y Setty Christiaans-Yarazagaray a asisti n’e conferencia di COPPPAL di decolonisacion.

COPPPAL t’e conferencia permanente di partidonan politico di America Latina y Caribe, di cual MEP ta miembro y ta atende temanan di interes general p’e miembronan.

En bista cu colonisacion ta un problema serio ainda den America Latina, COPPPAL ta pone hopi enfasis riba e topico aki.

 

“Nos a scucha e caso di Bonaire y Sint Eustatius y nos a keda hopi impresiona y conmovi. Casi no ta keda nada mas di e Bonaire no Sint Eustatius di antes. Hulandesnan a tuma over completamente y ta impone nan norma y balornan.

Esaki ta trece e riesgo di extencion di e pueblo di Bonaire y Sint Eustatius. Corsou y Sint Maarten tambe a comparti e preocupacion cu nan tin pa cu e leynan di consensus y supervision imponi.

 

Contrario n’e paisnan aki den cual autonomia ta wordo kita di nan, e diferencia cu Aruba ta cu Aruba tin un Gobierno cu su mes ta entrega nos autonomia, segun dirigencia di MEP.

“Nos a perde nos autonomoa financiero na Aruba debi na mal maneho financiero di Gabinete Mike Eman y awor nos ta core riesgo di perde mas autonomia debi na tanto corupcion den e Gobierno y pasobra Gobierno no kier carga su responsabilidad.

Mi a trece esey padilanti y e participantenan n’e conferencia realmente no por compronde un Gobierno cu un mentalidad asina”, Evelyn Wever Croes a duna di conoce.

 

Locual a resalta di e diferente presentacionnan ta cu e.o. e ley di CAFT no solamente ta contra nos Constitucion, pero tambe contra e tratado y areglonan di Nacionnan Uni.

“Mi ta contento cu nos a participa y por a scucha pa nos mes con e pueblo di Bonaire y Sint Eustatius ta sufri den e status nobo cu nan tin desde 10-10-10”, lider di MEP Evelyn Wever-Croes a duna di conoce.

 

 

Leave a Reply

Top