MEP a celebra Dia di Himno y Bandera

Partido MEP a celebra Dia di Himno y Bandera en grande. E celebracion a cuminsa desde dia 17 den oranan di anochi na momento cu a hisa e bandera mas grandi di Aruba.

Dianan 17 y 18 a duna reconocemento tambe na 250 baluarte y cacique di MEP, como tambe na candidatonan y ex-candidatonan di MEP cu dia 28 di november no por a acudi na Fort Zoutman pa ricibi nan reconocemento.

 

Pa 12’or merdia a haci e apertura oficial di e Expo “Himno y Bandera” na Cede di MEP, den cual bo por a mira hopi di historia di MEP. Tambe tabatin e acordeon original di Betico y e helm di Betico. Durante henter dia tabatin stand nan di cuminda cu varios cuminda tipico di Aruba, y di otro paisnan, como tambe hopi cos dushi. Pa e muchanan tabatin un dyno-jump, y Bena di Coper a organis aun tremendo tormeno di domino.

Dilanti e stage principal tabatin canto y baile durnate henter e dia, y e anochi a cera cu bandanan popular manera Tsunami, D’licious y Buleria. A presenta reconocemento special na Jerino Ridderstap, como nos Rey di Tumba 2017, y como un artista cu a traves di su canto y su musica, ta purba trece cambio den nos pais. Lider di MEP a felicita Jerino y a presente e reconocemento.

 

E actividad di MEP a wordo bishita pa miles di persona, durante henter dia, y den oranan di anochi no tabatin lugar pa pone mas hende. Partido MEP ta gradici e pueblo di Aruba pa e sosten masal na e actividadnan aki. Pabien partido MEP cu e exitoso celebracion aki.

Top