MEP a homenagea mas baluarte

 

Lider di MEP, Evelyn Wever-Croes hunto cu candidatonan di partido diahuebs ultimo a sigi cu duna homenage na baluartenan y lidernan di bario di MEP.
Esaki a tuma lugar diahuebs dia 9 di februari, e fecha di 46 aniversario di fundacion di partido MEP.
Durante un anochi ameno na Piedra Plat Entertainment Center, Evelyn Wever-Croes a entrega un certificado di homenage na 50 homenageado cu sea nan mes of nan famia a campaña fuertemente pa MEP.
Por nota cu esnan cu a wordo homenagea a keda sumamente contento cu e homenage.
MEP a cuminsa cu homenage na baluartenan y ex candidato desde aña pasa y a homenagea 300 persona caba.

Tin un lista largo ainda di persona cu mester wordo homenagea. E siguiente dia di homenage ta dia 18 di maart. Pabien na MEP cu e bunita gesto aki.

Top