MEP hopi activo den fin di siman: Mas y mas hende ta pidi pa cambio, pasobra nan no por mas!

 

 

 

Partido MEP tabata hopi activo un biaha mas den fin di siman. Por a nota varios team di MEP ta move riba henter nos isla.

Lider di MEP Evelyn Wever-Croes, hunto cu Parlamentario Xiomara Ruiz-Maduro y candidatonan Setty Yarzagaray, Paul Gibbs y Karel Maduro tabata den e bario di Paradera.

Parlamentarionan Glenbert Croes y Ady Thijsen hunto cu candidatonan Luigi Bergen y Rudy Richardson tabata den e bario di San Nicolas.

Y mas atardi Edgard Vrolijk, Glenbert Croes y Luigi Bergen tabata den bario di Ayo.

Aparte di e teamnan por a nota movecion di mas candidato di MEP den otro barionan, hasiendo bishitanan individual.

 

MEP realmente ta ‘on the move’ y no ta laga nada pasa, ni Carnaval. Na e momentonan aki MEP ta e unico partido politico activo riba nos isla.

Mientras demas partidonan tin nan problemanan serio interno, MEP a sali fuerte y cu un union grandi. E lansamento di e hala hubenil HOT tambe a causa un impacto grandi y tin demas partidonan ainda bastante tolondra.

Locual habitantenan di tur bario ta pidi, ta pa bin un cambio pasaobra nan no por mas. Nan kier mira un cambio, pasobra nan kier biba atrobe. Awor, bou maneho di partido AVP ta un lucha pa sobre bibi, siendo cu tempo di Gobierno di MEP nan tabata biba miho.

 

Tur esaki bou liderasgo y vision di un gran dama, cu no ta drumi y no ta perde ningun oportunidad pa fortifica e partido aun mas. Sra. Evelyn Wever-Croes cu apesar cu e ta un mama di famia, y tin su deber y responsabilidadnan familiar pa cumpli cu ne, ta demostrando cu e ta realmente e unico cu por lidera e pais aki y hiba nos riba un rumbo nobo.

Por nota cu e militancia di MEP mas y mas ta mustra confiansa den liderasgo di partido.

Top