MEP presente na e manifestacion contra abuso di mucha

MEP a presenta dilanti Ministerio Publico diamars atardi, pa asina mustra sosten na e accion di Fundacion Lisette Gomes cu pa algun dianan caba ta informando pueblo den medionan di comunicacion tocante e manifestacion contra abuso sexual di menor di edad.

 

Presencia di MEP na e manifestacion ta pa demostra cu e problematica di abuso di menor ta uno hopi grandi y mester wordo soluciona mas pronto cu ta posibel. Nos muchanan ta inocente y nan mes no por actua. Ta nos como mayornan y adulto ta esnan cu mester para pa nan derecho y stop abuso sexual contra nan.

 

MEP ultimamente ta bin ta papiando hopi tocante e tema aki mirando cu abuso sexual di nos menornan di edad ta escalando den nos pais. Y MEP no solamente ta keda papia tocante e tema, pero nos ta tuma accion tambe. E momento cu nos a tuma nota cu sra Lisette Tromp a haci un yamada na e comunidad pa sostene y asisti na e manifestacion aki, nos partido a dicidi cu nos lo ta presente pa brinda sosten na e causa aki.

 

E castigonan duna na esnan cu ta comete e crimen aki contra nos muchanan ta hopi abou. MEP tin e solucion p’asina ataca e problema aki y asegura cu tur abusador haya castigonan mas halto. MEP lo percura pa tin vertrouwensarts 24/7 pa tuma prueba mesora.

Nos lo enforsa KZP cu personal y material pa nan por haci investigacionnan mas lihe.

Y tambe nos lo bin cu castigo minimo pa e abusadornan haya castigo mas severo!

Esaki ta MEP su compromiso pa e lucha contra abuso di mucha.

Top