Mercado Santa Rosa ta diadomingo awor

Na tur esnan cu tabata warda anciosamente riba e afamado Mercado Santa Rosa ta diadomingo awor 2 di april. Esaki t’e prome mercado pa aña 2017.

Hopi t’esnan cu tabata tuma contacto cu nos Departamento di Agricultura, Cria y Pesca Santa Rosa pa puntra cua lo t’e fecha di nos prome Mercado Santa Rosa. Manera tin e dicho cu bisa: “Penado no ta Pena pa Largo”. Y nos ta den porta di nos prome mercado.

 

Manera semper nos mercado cu t’asina bon bishita cu for di tur skina nos bishitantenan ta yega p’asina pasa un rato agradabel disfrutando di e mercado y tur locual tin pa ofrece.

Cuminsando cu productonan local fresco produci manera entre otro remedinan di tera, productonan pa cabey y cutis di nos propio Aloe asina  nos por sigui menciona.

Otro productonan fresco tambe ta manera diferente tipo di pica traha netamente pa nos hendenan local.

 

Nos artesanonan cu semper ta contrubui grandemente cu nos mercado cu nan piesanan bunita traha ta cu tokenan di antaño y semper bunita acaba.

E cuminda dushi crioyo no por falta den nos mercado di cual hopi t’esnan cu ta bin haci nos un bishita pa por disfruta di un bon plato prepara.

Hopi t’esnan cu kisas tin hopi tempo sin come entre otro un Comcomber Stoba, of un Cabrito Stoba, Papaya Stoba cu ta den nos mercado so bo ta haya tipo di platonan asina.

E sopi cu no por falta sigur riba un bon diadomingo kisas ta drecha e dia.

 

Matanan ornamental cu sigur tur nos bishiantenan ta tuma e oportunidad aki p’asina haci na hogar mas bunita ainda. Ta diferente tipo di mata y grandura y sin papia mes di e variedad cu nan ta scohe.

Matanan di fruta cu sigur tur hende lo kier tin un na cas.

Nos no por lubida riba nos muchanan cu tambe ta bin di bishita hunto cu e mayaronan nos tin nos “Cunuco Chabelito” cu e muchanan por pasa un rato agradabel admirando nos bestianan cu nos tin mientras e mayornan por difruta di nos mercado. Tambe lo tin un “Dino Jump” pa e muchanan.

 

Pasabocanan dushi cu no por falta den nos mercado manera diferente tipo di bolo y koekinan sabroso.

Pa nos pone mas ambiente ainda na tur locual lo bay wordo encontra den nos mercado lo tin un ambiente musical sigur formidable di Tipoco Alegre Kadushi Largo.

Awor bo ta bon informa ta na unda e ambiente ta e diadomingo aki 2 di april cuminsando for di 9’or di mainta te cu 2 ‘or di atardi cu nos Mercado Santa Rosa anto aki mes na Santa Rosa.

Bo ta keda cordialmente invita pa pasa un rato ameno y den famia hunto cu nos e Prome Mercado Santa Rosa.

 

Top