Mester caba cu e.o. e mental-harassment Trahadornan di Housekeeping di Dutch Village a bay den accion di protesta

E situacion na Dutch Village, cu ta un compania cu ta forma parti di Grape Holding, ta tenso. Asina tenso cu e personal di Housekeeping a organisa un walk-out cu manera Presidente di STA, Diego de Cuba a anuncia, cu esaki ta inicio di un serie di accion cu STA lo bay tene na diferente hotel, unda STA ta representa.
Ta di lamenta, sigur e trahadornan di Housekeeping ta wordo maltrata pa gerencia di e hotel. Siendo e situacion ta hopi alarmante, mientras cu nada ta wordo haci di parti di gerencia.

Segun Diego de Cuba, varios reunion STA tabatin cu gerencia di Dutch Village, unda a mustra cu e trabao cu Housekeeping ta haci, no ta di un kamber, pero practicamente di un cas. E hefe grandi ta un Polaco, kende ta bullying e trahadornan aki.
Ta bon p’e Minister di Trabao tambe pone atencion n’e abusonan cu ta ser cometi n’e trahadornan. Banda di esey, e mesun compania aki ta contrata companianan sub-contractor, pagando nan mas placa, mientras nan mes no ta gana ni 2 mil florin.

Esnan cu a sali afo, ta pasobra nan a kita e cultura di miedo, y pesey STA a bisa di no ta acepta esakinan mas.
E fenomeno di sub-contractor a bolbe lanta cabez, pero aparentemente Gobierno no kier duna oido n’esaki. Minister Paul Croes a anuncia cu lo bin cu un ARBO-wet, pero te awe net nada.
P’e trahadornan aki tin espacio pa mihor trato e.o. otro salarial.

Top