Michael Palmer sentenciá pa pòstmento di pakete cu droga

WILLEMSTAD – E siman aki tabata dia di portadornan di droga cu nan a gara sea na Aeropuerto Hato of riba caya cu droga den nan pocesion.

Ta tur dialuna tin e sesionnan aki cu ta birando monótono p’e mesun ripiticionnan cu ta bin dilanti cu droga den maleta bòm dòbel òf nan sa di ken e droga ta.

E ciudadano Michael Palmer, Jamaikino di orígen y di 28 aña di edad a presentá dilanti di Huez mr. Gruijters, despues cu a gar’é cu exportacion di cocaina na 2 ocasion.

 

Pa cuminsá tabata dia 7 di sèptèmber 2016 cu el a manda pa exterior via C-Post e cantidad di 69 gram di cocaina den un pakete cu a keda interceptá pa autoridadnan.

Pero comosifuera no ta basta dia 22 di febrüari 2017 el a haci un di dos intento, pero e biaha aki tabata atrabes di e empresa DHL. Aki e cantidad di 294 gram di cocaina tabata parti di e contenido.

Su abogado mr. Alejandra no tabatin masha pa trece contra di e acusacionnan, anto asina ey por papia di pruebanan legal- y convincentemente probá.

Segun Michael Palmer ta un tal Busby a pidié pa pone e pakete riba pòst, pero remarcabel ta cu el a uza un otro adrès pa manda e pòst aki.

Al final Michael Palmer a reconocé su intento pa exportá droga.

 

Fiscal señora mr. Dennaoui-Simon, teniendo cuenta cu aki ta trata di un first-offender, a demandá un castigo di prizon di 12 luna di cua 6 luna condicional y un periodo di prueba di 3 aña. Huez mr. Gruijters a dicta e sentencia conforme peticion di Fiscal.

Top