Michella Steenvoorde Lacle di POR: Con pa stimula muchanan lesa mas buki (Parti 2)

Kico ta aumenta e probabilidad cu un mucha ta experiencia lectura como algo positivo? Esaki ta depende di varios factornan.

Stichting Lezen (https://www.lezen.nl/succesfactoren-leesbevordering) ta distingui, a base di estudio cientifico, ocho factor di exito pa promocion di lectura y di educacion di literatura.

Cuatro di e factornan di influencia tin conexion cu e espacio cu ta lesa e buki. (Leesomgeving).

 

Segun Lacle, tres di e factornan aki ta referi na e manera cu e docente ta stimula lesamento, pues e enfoke didactico. E factor di exito cu ta contribui na obtene experiencianan positivo di lectura, crea un actitud positivo, y posteriormente fomenta habitonan di lectura y abilidadnan di lectura tin conexion cu e differentiatie di e diferente nivel di dificultad di e bukinan ofreci na alumno.

 

E 8 PUNTONAN DI EXITO TA:
1. E variacion di buki cu ta ofrece na e mucha (boekenaanbod);

  1. Asistencia profesional (un cuerpo di docente, bibliotecario, ayudante pedagogico);
  2. E ayudo y sosten di e mayornan y amistad;
  3. Tempo y atencion di lesa: buscando un lugar trankilo y un momento trankilo pa esaki;
  4. Voorlezen, tanto den klas como na cas;
  5. Vrijlezen;
  6. Conbersa, medita y elabora riba e buki;
  7. Differentiatie.

 

Asistencia profesional:

Pa un mucha desaroya un carera di lectura exitoso e mester di guia di un adulto cu por yud’e.

E adulto aki por funciona manera un coach of guia. Esaki nifica cu den cualkier Biblioteca, mediatheek mester tin un adulto, sea un docente of un librero cu por informa e alumno rib’e diferente bukinan presente. Un hende cu por anticipa e gusto di e alumno, p’asina yud’e haya un buki cu ta pas cu su gusto y nivel. Dor di ofrece un buki cu ta pas cu ne, e alumno lo haya un gana di sigui lesa mas buki, paso su prome experiencia tabata uno positivo.

Top