Michella Steenvoorde Lacle (POR): Con pa stimula muchanan lesa mas buki (Parti 6)

Kico ta aumenta e probabilidad cu un mucha ta experiencia lectura como algo positivo? Esaki ta depende di varios factor. Stichting Lezen (https://www.lezen.nl/succesfactoren-leesbevordering) ta distingui, a base di estudio científico, ocho factor di éxito pa promoción di lectura y di educación di literatura, segun Michella Steenvoorde Lacle.

 

PUNTONAN 6 DI EXITO TA:

 

VRIJLEZEN

Vrijlezen kiermen cu na un momento specifico y stipula durante e dagrooster, henter un klas of un grupo den e klas mag di lesa algo cu nan mes a escohe. E por ta un buki pero tambe un articulo den un corant of revista. Despues di lesa nan no tin cu traha un verslag ni un toets, si nan mester conta brevemente over di kico e tabata bay, nan no mester bay dilanti klas pa haci esaki, nan ta keda sinta na nan lugar y ta conta na un manera informal loke nan a caba di lesa, e miembro di POR ta splica.

 

Segun Steenvoorde Lacle, Muchanan cu ta wordo permiti pa lesa for di buki di nan escogencia sin tin nodo di traha un boekverslag, ta score halto riba conocemento di e idioma, miho cu muchanan cu no ta haci esaki. E efecto beneficioso di lectura liber ta mucho mas fuerte si bo sigui stimula e mucha pa scoge su mesun bukinan.

Programa di lectura gratis online den e caso aki, di mas di un aña di abonnement, ta proporciona casi sin excepcion, e puntuacion mas halto di comprension. Vrij Lezen tambe ta eficaz pa alfabetisacion, pa asina desaroya e vocabulario, y stimula gramatica, Steenvoorde Lacle a duna di conoce.

Top