Michella Steenvoorde Lacle (POR): Con pa stimula muchanan lesa mas buki (Parti 7)

Kico ta aumenta e probabilidad cu un mucha ta experiencia lectura como algo positivo? Esaki ta depende di varios factor. Stichting Lezen (https://www.lezen.nl/succesfactoren-leesbevordering) ta distingui, a base di estudio científico, ocho factor di exito pa promocion di lectura y di educacion di literatura, Michella Steenvoorde Lacle ta splica.

PUNTONAN 7 DI EXITO TA:

COMBERSA, MEDITA Y ELABORA RIBA E BUKI
Buki ta implanta marcanan den nos memoria. Nan ta wordo procesa dor di e cerebro cu ta lesa. Papia riba literatura, combersa riba bukinan, sea si esaki ta cu mayornan, amistad o docente, tur tin un efecto positivo. P’esey ta importante pa alenta e mayornan pa discuti riba literatura y opina riba diferente buki cu e muchanan, segun Steenvoorde Lacle.

Tambe pa intercambia opinion na momento di conta storia, ta vital den e bida di e mucha.
Asina e mayor ta percura pa un impacto positivo den alfabetisacion, y mucho mas ainda si e lectura ta interactivo. Muchanan di edad preescolar cu wordo cuestiona den e sesion di imagennan, personahenan y eventonan den historia, progresonan nobo den e vocabulario cu e muchanan ta lesa normalmente.

Specialmente elementonan mas complejo den alfabetisacion, cu studiantenan Hulandes tin relativamente poco puntuacion, segun PISA y PIRLS, por yuda den charlanan tocante bukinan. Papia y discuti tocante un buki ta facilita e vinculo entre e texto y su propio conocemento y experiencia, Michella Steenvoorde Lacle ta conclui.

Leave a Reply

Top