Michella Steenvoorde Lacle ta splica Con pa stimula muchanan lesa mas buki

Kico ta aumenta e probabilidad cu un mucha ta experiencia lectura como algo positivo? Esaki ta depende di varios factor.

Stichting Lezen (https://www.lezen.nl/succesfactoren-leesbevordering) ta distingui, a base di estudio científico, 8 factor di exito pa promocion di lectura y di educacion di literatura.

 

Puntonan di exito ta: Voorlezen tanto den klas como na cas

Socializacion di lectura ta cuminsa na momento cu bo ta conta e storia n’e  mucha, y ta promove cu ta aparece den e buki, segun splicacion di Michella Steenvoorde Lacle di partido POR.

E ta crea un impulso positivo n’e experiencia di lectura y ta stimula conocimento  Y ta di fuerte impulso pa fomenta alfabetizacion. (Yuda e mucha papia).

 

Muchanan entre 0 a 6 aňa, cu ta haya nan mayornan ta lesa pa nan, ta conta nan un storia, ta crece cu e facilidad di lesa, muy contrario n’esnan cu nan mayornan nunca ta lesa pa nan.

E efecto di e storia cu e mayor ta lesa p’e mucha t’asina impactante cu e ta keda sinti te na momento cu e mucha ta drenta scol secundario.

Ya cu e ta posee mas imaginacion, ta papia cu diferente tono di voz, y ta describi su cuentanan cu mucho mas contenido.

 

Un mucha ta sinja tene un buki den su man, reconoce letranan y e palabra scirbi ta representa e palabra papia.

Contamento di un storia (voorlezen) ta yuda tambe cu e desaroyo di conciencia fonologico, habilidad verbal. Tambe ta percura p’e crecemento di vocabulario y comprension di historia, segun Michella Steenvoorde Lacle.

 

Ademas di lectura, e impacto di e storia conta ta forma e habilidad literario y e desaroyo social-emocional di e muchanan. Por ser bisa cu bo ta construi e competencia literario di un mucha na momento bo divulga e storianan asina bunita lesa.

Si e mayor y/o docente ta fomenta atencion pa storia di e lectura, e manera di trece dilanti cu picardía, cambiando di tono di voz, e mucha ta haya conocimento di tur loke ta tension, ta reconoce ficcion y ta namora di literatura.

Ademas e contamento di storia ta contribui na competencia emocional di e mucha y ta permiti pa interactua riba sentimentonan di otro.

 

 

Top